Hátíðarár er framundan þegar haldið verður upp á að tíu ár eru liðin frá upphafi Rey Cup nú Vodafone Rey Cup. Auk þátttöku erlendra félagsliða koma reyndir erlendir dómarar að dómgæslu á Rey Cup auk íslenskra kollega þeirra. Fegurð mótssvæðisins í Laugardal og veðursæld hefur löngum verið dásömuð svo og frábær vallar- og gistiaðstaða í Laugardal og nágrenni.





Þátttökugjald:
Kostnaður á hvern leikmann vegna þátttöku á Rey Cup.



1. Þátttaka í Rey Cup kr. 11.000,-

Gjaldið felur í sér aðgang að öllum dagskrárliðum.
Á lokahóf/stórdansleik/BBQ/sundlaugapartý. Að auki: Frír aðgangur að Laugardalslaug og í Fjölskyldu- og húsdýragarði. Þátttakendur fá einnig Rey Cup bol.


2. Þátttaka með fæði kr. 15.000,-

Að viðbættu því sem gjald 1 innifelur er greitt fyrir morgunmat 4 daga og tvær góðar máltíðir, að auki er BBQ stórgrillveislan.


3. Þátttaka með fæði og gistingu kr. 18.500,-

Að viðbættu því sem gjald 2 innifelur er greitt fyrir gistingu í skólum í 4 nætur.



Mótsgjald:
Mótsgjald kr. 10.000,-

Mótsgjald er sérstök greiðsla af hverju keppnisliði. Fjöldi skráðra leikmanna í hverju keppnisliði getur mest verið 16 leikmenn.


Staðfestingargreiðsla:
Staðfestingargreiðsla er ætlað að vera trygging/staðfesting á þátttöku viðkomandi keppnisliðs. Hvert keppnislið þarf að inna greiðsluna af hendi til að þátttaka teljist fullgild og skráningartæk. Staðfestingargreiðslan reiknast sem innborgun á þátttöku- og mótsgjaldi en er ekki viðbótarkostnaður. Greiðslan er óafturkræf ef viðkomandi keppnislið fellur frá þátttöku. Staðfestingargreiðsla er kr. 30.000,-




„Fótbolti og fjör!“ er hugmyndafræði Vodafone Rey Cup, fótbolti á daginn og fjölbreytt skemmtun á hverju kvöldi, sundlaugarpartý, skemmtibolti, grillpartý í Fjölskyldu- og húsdýragarðinum í Laugardal, kvöldmatur á Grand Hótel og stórdansleikur á Hótel Íslandi, Broadway allt innifalið í þátttökugjaldinu. Að auki alls konar tilboð í gangi, eins og í keilu, bíó og lazertag.



Leikinn er 11 manna bolti en einnig boðið upp á 7 manna bolta sé næg þátttaka. Leiktími er 2x25 mín.


Aldurhópar 2012:

Aldurhópar 3. og 4. flokks karla og kvenna (yngra og eldra ár)
U14 leikmenn fæddir 1998-1999
U16 leikmenn fæddir 1996-1997



Dagskrá

Dagskrá Vodafone Rey Cup 2012 má skoða hér.


Skráning þátttöku:

Skrá lið til þátttöku


Hafðu samband

Hægt er að senda tölvupóst á netfangið reycup@reycup.is eða hringja í eftirfarandi símanúmer: 616 0111 • 580 5902 • 616 0112.